"Şimal"ın ev oyunlarını keçirəcəyi stadion açıqlandı

2-ci liqa təmsilçisi "Şimal"ın 2024/25 mövsümündə ev oyunlarını keçirəcəyi stadion müəyyənləşib.

"Football-plus.az" xəbər verir ki, bu barədə Qusar təmsilçisinin mətbuat xidməti məlumat yayıb.

Peşəkar Futbol Liqası və SOCAR-ın Sosial İnkişaf İdarəsi ilə razılığa əsasən, komanda ev oyunlarını Siyəzən şəhər stadionunda keçirəcək.

Qeyd edək ki, ötən il Region Liqasında çıxış edən "Şimal” bu mövsüm 2-ci liqada mübarizə aparmaq hüququ qazanıb.