“Qarabağ”ın Avropa Liqasının yeni formatda keçiriləcək liqa mərhələsindəki oyunlarının keçiriləcəyi tarix bəllidir.
Offsideplus.az xəbər verir ki, “Qarabağ”ın rəqibləri bu gün saat 15:00-da atılacaq püşkdə müəyyənləşəcək.
Liqa mərhələsində 36 komanda hərəyə 8 oyuna (4 ev, 4 səfər) çıxacaq. Liqa mərhələsinin oyun günləri də bəllidir. İlk altı tur bu il, son iki tur gələn il baş tutacaq.
2024-cü il
I tur: 25-26 sentyabr
II tur: 3 oktyabr
III tur: 24 oktyabr
IV tur: 7 noyabr
V tur: 28 noyabr
VI tur: 12 dekabr
2025-ci il
VII tur: 23 yanvar
VIII tur: 30 yanvar
Püşkatma ərəfəsində klublar reytinqinə əsasən 4 səbətə bölünəcək. Komandalar hər səbətdən iki rəqiblər – biri ilə evdə, digəri ilə səfərdə görüşəcək.
8 turdan sonra ilk 8 yeri tutan komanda 1/8 finala, 9-24-cü yerlərin sahibləri pley-offa yüksələcək. Digər 12 iştirakçı mübarizəni dayandıracaq.
