İngiltərənin "Mançester Yunayted" klubunun Karrinqtondakı təlim-məşq mərkəzində komandanın məşqlərini gizlətmək və oyunçuları əlverişsiz havadan qorumaq üçün nəhəng ağ divar tikilib.
Milli.Az qafqazinfo.az-a istinadən xəbər verir ki, bu barədə "Daily Mail" məlumat yayıb.
Bildirilib ki, divar "qırmızı şeytanlar"ın baş məşqçisi Erik ten Haqın xahişi ilə tikilib. Bu, kluba 200 min funt-sterlinqə başa gəlib.
Əvvəllər xərclərin azaldılması səbəbindən 250 nəfərin işdən çıxarılmasından sonra inşa olunan divarın dəyəri klub əməkdaşlarında çaşqınlıq yaradıb.
Qeyd edək ki, "Mançester Yunayted" İngiltərə Premyer Liqasında 7 turdan sonra 8 xalla 14-cü yerdə qərarlaşıb.
Milli.Az
Xəbərlərimizi WhatsApp kanalımızdan da oxuyun
