Azərbaycan millisi Bolqarıstanın paytaxtı Sofiyada keçirilən U-23 boksçular arasında Avropa çempionatında bürünc medalını rəsmiləşdirib.
QOL.az xəbər verir ki, 50 kq çəkidə mübarizə aparan boksçumuz Marjona Savriyeva yarımfinalda Dominika Kuçjevska (Polşa) ilə üz-üzə gəlib. Görüş rəqibin 4:1 (29:28, 29:28, 30:27, 30:27, 28:29) hesablı qələbəsi ilə bitib. Beləliklə, M. Savriyeva Avropa çempionatını bürünc medalla başa vurub.
Qeyd edək ki, bu, yığmamızın sözügedən turnirdə ilk medalıdır.
