Livanlı tədqiqatçı Aya Mayzub Suriyanın devrilmiş prezidenti Bəşar Əsəd rejimi dövründə Dəməşq zindanlarında istifadə olunan müxtəlif işgəncə alətlərinin fotoşəkillərini yayıb.
Musavat.com xəbər verir ki, bu alətlər rejimin törətdiyi amansız işgəncələrin və hüquq pozuntularının qorxulu şahidi kimi çıxış edir.
Mayzub işgəncə alətlərinin arasında bel sümüklərini qırmaq üçün xüsusi hazırlanmış daş plitələr, taxtalar və məhkumları şiddətlə döymək üçün şinlər olduğunu qeyd edir.
Aya Mayzubun araşdırmaları Əsəd rejiminin münaqişə dövründə tətbiq etdiyi işgəncə və zülmün beynəlxalq səviyyədə daha çox tanınmasına və təsdiqlənməsinə kömək edir.
Musavat.com
