Bakı, 11 aprel, AZƏRTAC
Bu il Azərbaycandan olan məktəblilərin hazırladığı ilk kosmik peyk orbitə buraxılacaq.
AZƏRTAC xəbər verir ki, bunu "Azərkosmos"un nəzdində KOSMİK Akademiyanın rəhbəri İmran Muxtarov jurnalistlərə açıqlaması zamanı bildirib.
İ.Muxtarov bildirib ki, peyk “SpaceX” raketi vasitəsilə buraxılacaq.
“Layihədə 41 məktəbdən 750 məktəbli iştirak edib. İlin sonunda “SpaceX” kosmik raketi ilə peykin kosmosa buraxılması, daha sonra onun idarə edilməsi, məktəblilərə kosmos elmi sahəsində yeniliklərin araşdırılması baxımından böyük töhfə vermiş olacaq”, - deyə İmran Muxtarov əlavə edib.
