Bu il noyabrın 17-19-da Sankt-Peterburqda MDB Moda Birliyi Forumu keçiriləcək.
Newscenter.az "Sputnik Özbəkistan"a istinadən bildirir ki, forum MDB və digər ölkələrdən yüngül sənaye və kreativ sənaye nümayəndələrini bir araya gətirəcək.
Forumun biznes proqramının memarlıq layihəsinə 6 tematik trek daxildir. Əsas proqram ərəfəsində moda və dizayn sahəsində gənc mütəxəssislərin peşəkarlığının artırılmasına yönəlmiş “Gənclər günü” də keçiriləcək.
Moda Birliyi Forumu 2022-ci ildən keçirilir. Ötən il Rusiyanın 60 regionundan, həmçinin Azərbaycan, Ermənistan, Belarus, Qazaxıstan, Qırğızıstan, Tacikistan, Özbəkistan, Türkmənistan və digər ölkələrdən min yarımdan çox iştirakçı iştirak edib.
Tədbirdə iki plenar iclas, 23 dəyirmi masa müzakirəsi və iki işgüzar mübadilə keçirilib. Birlik ölkələrinin sənaye birlikləri və müəssisələri arasında 18 saziş və memorandum imzalanıb.
Anar Əliyev
