Birinci Qarabağ müharibəsinin daha bir itkin şəhidi - Sahil Nurəddin oğlu İbrahimov iyunun 3-də paytaxtın Suraxanı rayonunun Əmircan qəsəbəsində yerləşən qəbiristanlıqda dəfn olunub. Dəfn mərasimində şəhidin doğmaları, Azərbaycan ordusunun hərbçiləri, rəsmi şəxslər iştirak ediblər.
Xezerxeber.az xəbər verir ki, dəfn mərasimində iştirak edən şəhidin qardaşı Cəmil İbrahimov jurnalistlərə açıqlama verib.
Qeyd edək ki, Sahil Nurəddin oğlu İbrahimov 1970-ci il iyulun 23-də Ermənistan Respublikası Amasiya rayonu, Çivinli kəndində doğulub. O, 1993-cü il fevralın 9-da Ağdərə rayonu, Mehmanə kəndində itkin düşüb.
Daha ətraflı videomaterial “Xəzər Xəbər”in 21:00 buraxılışında təqdim olunacaq.
