Bu ilin 11 aprel tarixində Maliyyə Nazirliyi tərəfindən ilk dəfə vahid xəzinə hesabının milli valyutada olan sərbəst qalığının yerli banklarda depozitə yerləşdirilməsi məqsədilə depozit hərracı keçirilib.
“APA-Economics”in Maliyyə Nazirliyinə istinadən verdiyi məlumata görə, indiyədək bu məqsədlə 5 depozit hərracı təşkil olunub və ümumilikdə 3 milyard manat vəsait banklarda depozit kimi yerləşdirilib.
Qeyd edək ki, həmin 5 depozit hərracında banklara yerləşdirilən vəsaitdən Maliyyə Nazirliyi ümumilikdə 29.3 milyon manat məbləğində faiz gəliri əldə edəcək.
| Depozit hərracları | Depozitin məbləği | Depozitin müddəti | Orta çəkili faiz dərəcəsi | Faiz gəlirləri, mln. manat |
| 11 aprel 2025-ci il | 1 mlrd. manat | 3 ay | 7.21% | 18.025 |
| 24 aprel 2025-ci il | 500 mln. manat | 32 gün | 7.04% | 3.086 |
| 21 may 2025-ci il | 500 mln. manat | 30 gün | 6.8% | 2.795 |
| 26 may 2025-ci il | 500 mln. manat | 30 gün | 6.74% | 2.771 |
| 03 iyun 2025-ci il | 500 mln.manat | 30 gün | 6.42% | 2.638 |
Əlavə edək ki, depozit hərraclarında orta çəkili faiz dərəcəsi 7.21%-dən, 6.42% səviyyəsində enib.
