Braziliya millisi Paraqvay yığmasına minimal hesabla (1:0) qalib gələrək DÇ-2026-ya vəsiqəni rəsmiləşdirib.
Msport.az xəbər verir ki, Braziliya bütün dünya çempionatlarının final mərhələsinə vəsiqə qazanmağı bacaran yeganə komandadır.
1930-cu ildən bəri 22 dünya çempionatı keçirilib. Karlo Ançelottinin rəhbərliyi altında yığma 23-cü dəfə dünya çempionatında iştirak edəcək. Braziliya millisi turnirdə 5 dəfə qalib olub ki, bu da mütləq rekorddur.
Almaniya yığması isə mundialın final mərhələsinə 20 dəfə vəsiqə qazanaraq bu göstəricidə 2-ciliyi təmin edib.
Qeyd edək ki, çempionata 3 ölkə – Kanada, ABŞ və Meksika ev sahibliyi edəcək. Kanada və Meksikanın hər birində 13, ABŞ-da isə 78 oyun keçiriləcək. Turnir gələn il iyunun 11-dən 19-dək keçiriləcək.
