İstanbulda İŞİD terror təşkilatına qarşı əməliyyat keçirilib. Əməliyyat nəticəsində İnterpol tərəfindən qırmızı bülletenlə axtarılan və “xarici terrorçu döyüşçü” olduqları ehtimal edilən 15 nəfərdən 9-u saxlanılıb.
AZƏRTAC xəbər verir ki, İstanbul Baş Prokurorluğu tərəfindən bununla bağlı başlayan istintaq çərçivəsində İŞİD terror təşkilatına qoşulanlar barədə məlumatı olan və sosial şəbəkələrdə təşkilatın təbliğatını aparan 15 şübhəli müəyyən edilib. Şübhəlilərdən 9-u saxlanılıb. Daha 6 şübhəlinin tutulması istiqamətində əməliyyat davam etdirilir.
