Prezidentin fərdi təqaüdünün məbləği 1700 manat oldu

Azərbaycan Respublikası Prezidentinin fərdi təqaüdünün məbləği artırılır.

Adalet.az xəbər verir ki, bu, Prezident Ä°lham Əliyevin Fərmanı ilə Sosial müavinətlərin, Azərbaycan Respublikası Prezidentinin təqaüdlərinin və fəxri adlara görə təqaüdlərin məbləğlərinin artırılması və bununla əlaqədar Azərbaycan Respublikası Prezidentinin bəzi fərmanlarında və Sərəncamında edilən dəyişiklikdə əksini tapıb.

Fərmana əsasən, 2025-ci il iyulun 1-dən Azərbaycan Respublikası Prezidentinin fərdi təqaüdü 1700 manat müəyyən edilib.

Qeyd edək ki, hazırda Azərbaycan Respublikası Prezidentinin fərdi təqaüdünün məbləği 1500 manat təşkil edir.