Ukrayna yaxın üç il ərzində Almaniyanın “İRİS-T” hava hücumundan müdafiə sistemləri ilə təchiz ediləcək.
Axar.az xəbər verir ki, bu barədə Ukrayna Prezidenti Vladimir Zelenski açıqlama verib.
"Biz “İRİS-T” hava hücumundan müdafiə sistemlərinin tədarükünə görə minnətdarıq, indi təchizat planını anlayırıq. Mən təfərrüatlara varmayacağam, lakin bu, növbəti üç il üçün plandır və bu, istənilən halda bizim üçün çox vacib dəstəkdir", - Ukrayna lideri Almaniyanın müdafiə naziri Boris Pistorius ilə birgə mətbuat konfransında bildirib.
