İranın ali dini lideri Əli Xamenei İsrailin son hücumlarında bəzi komandir və alimlərin həyatını itirdiyini bəyan edərək, İsrailə sərt cavab veriləcəyini açıqlayıb. “Bu rejim ağır cəza ilə üzləşəcək”, - Xamenei bildirib.
İranın ali dini lideri Əli Xamenei İsrailin son hücumları ilə bağlı sərt açıqlamalar verib. Xamneyi dövlət televiziyası vasitəsilə yayımlanan yazılı mesajında İsrailin İran ərazisinə etdiyi hücumlarda bəzi komandir və alimlərin həyatını itirdiyini bildirib.
İsrailin yaşayış məntəqələrinə hücumları ilə “şər mahiyyətini” bir daha ortaya qoyduğunu deyən Xamenei, “Bu rejim bilməlidir ki, onu ağır cəza gözləyir” deyib.
İran silahlı qüvvələrinin bu hücumları cavabsız qoymayacağını vurğulayan Xamneyi həlak olan komandirlərin və alimlərin yerinə gələcəklərin dərhal öz vəzifələrini yerinə yetirəcəklərini qeyd edib.
Bəyanatında İsraili sərt şəkildə tənqid edən Xamenei, “Sionist rejim bu qətllə özü üçün ağrı və iztirab dolu tale hazırladı və mütləq bunun əvəzini alacaq” dedi.
İran və İsrail arasında gərginlik son hücumlarla yenidən artıb. Xamneyinin mesajında Tehran administrasiyasının verdiyi cavab siqnalları regionda gərginliyin daha da arta biləcəyindən xəbər verir.
