Benyamin Netanyahu, İsrailin Baş naziri, az əvvəl rəsmi bəyanat yayaraq İran əleyhinə hərbi əməliyyatların başladığını təsdiqləyib.
“Bir neçə dəqiqə əvvəl İsrail “Aslanın yüksəlişi” əməliyyatına start verdi – bu hərbi əməliyyatın məqsədi İranın İsrailin məhvinə yönəlmiş təhdidlərini dəf etməkdir. Əməliyyat nə qədər lazımdırsa, o qədər davam edəcək ki, bu təhlükənin genişlənməsinin qarşısı alınsın”.
Netanyahu daha sonra deyib: “Son aylar ərzində İran nüvə proqramının hərbiləşdirilməsi istiqamətində görünməmiş addımlar atıb. Bu, uranın zənginləşdirilməsinin silahlandırılması yolunda atılmış açıq addımlardır”.
Baş nazir əlavə edib: “Əgər İran dayandırılmasa, çox qısa müddət ərzində nüvə silahı istehsal edə bilər. Bu müddət bir il, hətta bəlkə bir neçə ay da ola bilər. Bu, İsrailin varlığına birbaşa və real təhlükədir”.
