BAKI, 13 iyun. TELEQRAF
150-dən çox İran pilotsuz təyyarəsi cavab zərbəsi endirmək üçün İraqın hava məkanını keçərək İsrailə tərəf yönəlib.
Teleqraf xəbər verir ki, bu barədə İraqın “Shafaq News” portalı məlumat yayıb.
İraqın yüksək rütbəli təhlükəsizlik mənbəsinin sözlərinə görə, pilotsuz təyyarələr İranla həmsərhəd olan Diyala əyaləti üzərində müşahidə edilib. O əlavə edib ki, İsrailin gecə saatlarında İrana endirdiyi zərbədən sonra eyni əyalətdə ən azı beş raket qalığı aşkarlanıb.
