“Dövlət maliyyəsinin daha səmərəli idarə olunması və büdcə prosesinin təkmilləşdirilməsi istiqamətində hal-hazırda Maliyyə Nazirliyində müvafiq işçi qrupları yaradılıb və geniş islahatlara başlanılıb”.
Bizim.Media xəbər verir ki, bunu maliyyə naziri Sahil Babayev parlamentin növbədənkənar sessiyasının iyunun 13-də keçirilən iclasında deyib.
MÖVZU İLƏ BAĞLI:
Sahil Babayev: “Təhsilə ayrılan xərclər beynəlxalq normativlərə yaxındır”
Nazir bildirib ki, islahat proqramı çərçivəsində dövlət büdcəsinin gəlirlərinin və xərclərinin təhlili və optimallaşdırılması, dövlət maliyyə nəzarəti, dövlət xəzinədarlığı, mühasibat uçotu sahələrində təkmilləşdirmə tədbirlərinin görülməsi, rəqəmsal idarəetmə və müasir elektron həllərin büdcə prosesinə tətbiqi imkanları dəyərləndirilir.
Günay Şahmar, Bizim.Media
