Zonguldak vilayətinin Alaplı rayonunun İsafaklı kəndində itkin düşən 16 yaşlı qız tapılıb.
AzEdu.az xarici mediaya istinadən xəbər verir ki, gecə saatlarında evdən çıxan və geri qayıtmayan E.Y.S.-nin yoxa çıxması ilə bağlı ailə səhər saatlarında 112 Təcili Xidmətə məlumat verib.
Əraziyə jandarma, UMKE və digər axtarış-xilasetmə qrupları cəlb olunub. Təhlükəsizlik kameralarının araşdırılması nəticəsində E.Y.S.-nin kəndin çıxışında görüldüyü müəyyən edilib.
12 saatlıq axtarışdan sonra yeniyetmə evindən 5 kilometr aralıda yerləşən Aşağıdağ kəndində bir sakinin evində aşkar edilib və jandarma tərəfindən ailəsinə təhvil verilib.
Anası övladını gördükdə göz yaşlarını saxlaya bilməyib.
