ABŞ Prezidenti Donald Tramp İsrailin İrana hücumunu əla adlandırıb və "qarşıda hələ çox şey olacağını" qeyd edib.
"Report"un "TASS"a istinadən məlumatına görə, bu barədə ABC News telekanalı məlumat yayıb.
"Düşünürəm ki, bu əla idi. Biz onlara şans verdik, onlar isə bundan istifadə etmədilər. Onlar güclü zərbə aldılar, çox güclü. Onlara mümkün olan ən güclü zərbə vuruldu. Və bu hələ hamısı deyil, qarşıda çox şey olacaq", - deyə Tramp İsrailin hücumu barədə bildirib.
Eyni zamanda, ABŞ lideri ABŞ-ın bu hücumda iştirak edib-etmədiyi sualını cavablandırmaqdan imtina edib.
