“Mançester Yunayted”in futbolçusu Markus Reşford klubdakı taleyi ilə bağlı qərarını verib.
Futbolpress.az xəbər verir ki, bu barədə İngiltərə mətbuatı məlumat yayıb. Hücumçu “qırmızı şeytanlar”da qalmaq istəmir. O, menecerinə yalnız “Barselona”da oynamaq istədiyini bildirib.
Reşford başa çatan mövsümün ikinci dövrəsini “Aston Villa”da icarədə keçirib. 27 yaşlı hücumçu Premyer Liqada 25 oyunda 6 qol vurub, 4 məhsuldar ötürmə edib.
