Azərbaycan Futbol Federasiyaları Assosiasiyasının (AFFA) təşkilatçılığı ilə Slovakiyada UEFA Pro kursunun 2-ci mərhələsi keçirilir.
Arena.az xəbər verir ki, tədbirin təşkilində məqsəd Slovakiyada təşkil olunmuş 21 yaşadək milli komandalar arasında Avropa çempionatının final mərhələsinin oyunlarından analiz və müzakirələrin aparılmasıdır.
Təlimatçılar Aslan Kərimov, Osman Rəhimov, Arif Əsədov və Ramin Quliyevin rəhbərliyi ilə keçirilən kursa 10 iştirakçı qatılıb. Bunlar Elnur Çodarov, Fərid Namazov, Elman Sultanov, Çudomir Çakarov, Rüstəm Məmmədov, Vaqif Cavadov, Rəşad Abdullayev, Aqil Nəbiyev, Aleksandr Qross və Zamir Həsənovdur.
Qeyd edək ki, Slovakiyanın Bratislava, Trnava, Nitra və Dunayska Streda şəhərlərində təşkil olunmuş Avropa çempionatı iyunun 28-nə qədər davam edəcək.
