BAKI, 14 iyun. TELEQRAF
Sərnişin axınının artması ilə əlaqədar AZAL iyun ayı ərzində bəzi daxili və beynəlxalq istiqamətlər üzrə uçuşların tezliyini artırır.
Bu barədə Teleqraf-a “Azərbaycan Hava Yolları” QSC-dən məlumat verilib.
Bildirilib ki, iyun ayında bayram günləri ilə əlaqədar uzunmüddətli istirahət dövründə Bakı–Naxçıvan–Bakı marşrutu üzrə uçuşların sayı daha da artırılacaq: bəzi günlərdə reyslərin sayı 12-yə çatacaq. Tələbatın artacağı halda əlavə reyslərin təyin olunması da mümkündür. Ümumilikdə, iyun ayı ərzində Naxçıvan istiqamətində müntəzəm və əlavə reyslər daxil olmaqla 430-dan çox uçuşun yerinə yetirilməsi nəzərdə tutulur.
Bakı–İstanbul–Bakı marşrutu üzrə əlavə reyslər 26 və 29 iyun tarixlərində yerinə yetiriləcək ki, bu da həmin günlərdə uçuşların sayını gündəlik 3-ə çatdıracaq.
