“Capgemini” konsaltinq şirkətinin yeni hesabatına görə, İsveç qlobal dollar milyonçuları siyahısında yerini itirməkdə davam edir.
Publika.az xəbər verir ki, 2024-cü ildə onların sayı təxminən 3 faiz azalaraq 149,5 min nəfər təşkil edib.
Artıq ikinci ildir ki, varlı isveçlilərin sayı azalır. Bu milyonçuların ümumi sərvəti 0,6 faiz azalaraq 372 milyard dollar olub.
Dollar milyonçularının sayının azalmasının səbəbləri zəif iqtisadi artım, faiz bazarında qeyri-müəyyənlik və alıcılıq qabiliyyətini zəiflədən, kapital artımını yavaşladan mənzil qiymətlərinin artması olub.
Qonşu Norveç isə bu sahədə inamlı artım nümayiş etdirir. Təkcə 2024-cü ildə orada 5 min nəfər yeni dollar milyonçusu peyda olub.
Qlobal artım tendensiyası pandemiyanın yaratdığı tənəzzüldən sonra davam edir. Hesabata görə, 2024-cü ildə dünyada 23,4 milyon nəfər milyonçu olacaq, onların ümumi sərvəti 2023-cü ildən 2,6 faiz artaraq 90 trilyon dolları keçəcək.
