İran daxili və beynəlxalq uçuşların dayandırılmasını iyunun 17-si saat 02:00-a qədər uzadıb.
Editor.az xəbər verir ki, bu barədə İran İslam Respublikasının Mülki Aviasiya Təşkilatı məlumat yayıb.
“Ölkəmizin hava məkanı iyunun 17-si saat 02:00-a qədər (Moskva vaxtı ilə 01:30) bağlı elan edilib”, – məlumatda deyilir.
İsrail Müdafiə Qüvvələri (IDF) daha əvvəl İranın raket buraxılış qurğularının 33 faizini məhv etdiyini açıqlamışdı.
Qeyd edək ki, iyunun 13-nə keçən gecə İsrail İranın nüvə və hərbi obyektlərinə zərbələr endirərək “Aslanın yüksəlişi” əməliyyatına başlayıb. Hücumlar nüvə silahının inkişafı ilə bağlı infrastrukturu və yüksək rütbəli hərbi personalı hədəf alıb.
//Gülnarə Abasova, Editor.az
