ABŞ prezidenti Donald Tramp Çinin G7-yə qoşulmasının əleyhinə olmayacağını bildirib.
Bu barədə Oxuməni.az ABŞ prezidenti ilə Kanadanın baş nazirinin görüşünün X sosial platformasında yerləşdirilən videosuna istinadən xəbər verir.
"Bu, o qədər də pis fikir deyil. Mən heç kimin Çinin G-7-də iştirakını təklif etmək istəməsinin əleyhinə deyiləm, lakin danışacaq insanların olması vacibdir", - Tramp Kanadanın baş naziri Mark Karni ilə görüşü zamanı deyib. (The Hill tərəfindən sitat gətirilmişdir).
G7 sammiti iyunun 15-dən 17-dək keçirilir. “Bloomberg” xəbər verir ki, G7 ölkələri qarşıdan gələn sammitdən sonra kommunike dərc etməmək qərarına gəliblər. Jurnalistlər aydınlaşdırıblar ki, iştirakçılar vahid yekun sənəd əvəzinə liderlərinin müxtəlif aspektlər üzrə ayrıca bəyanatlar hazırlaya bilərlər.
Almaz Həsənli
