Azərbaycanın Xüsusi Olimpiya Komitəsinin oğlanlardan ibarət 3x3 üzrə basketbol komandası beynəlxalq turnirində iştirak edib.
İdman.biz xəbər verir ki, təmsilçimiz İsveçrənin Mies şəhərində keçirilmiş “FIBA Open”də mübarizə aparıb.
Yarışların ilk günü yoxlama oyunları baş tutub və bu matçların nəticələrinə əsasən Azərbaycan komandası A qrupunda yer alıb. Yığma Fransanı (8:2), Niderlandı (5:3) və Finlandiyanı (5:4) məğlub edərək qrupun qalibi olub.
Qeyd edək ki, turnirə ümumilikdə 14 komanda qatılıb.
İdman.biz
