Azərbaycanın Xüsusi Olimpiya Komitəsinin oğlanlardan ibarət 3x3 “unified” (inklüziv birləşmiş idman) basketbol komandası İsveçrənin Mies şəhərində keçirilən “FIBA Open” beynəlxalq turnirində uğurla çıxış edib.
Qurumdan 90deqiqe.Az-a verilən məlumata görə, turnirdə ümumilikdə 14 Xüsusi Olimpiya komandası təmsil olunub. Yarışların ilk günündə yoxlama oyunları keçirilib və bu matçların nəticələrinə əsasən, Azərbaycan yığması A qrupunda yer alıb.
Fransaya 8:2, Niderlanda 5:3, Finlandiyaya 5:4 hesabı ilə qalib gələn Azərbaycan komandası qrupun qalibi olub.
