Britaniya şirkəti cəmi 18 saniyəyə tam enerji ilə doldurula bilən elektromobillər üçün "VarEVolt" akkumulyatorunun kütləvi istehsalına icazə alıb...
Poliqon xəbər verir ki, bu barədə Live Science məlumat yayıb.
"Bu sertifikat bizim prototiplərdən və məhdud həcmlərdən geniş miqyaslı istehsal müqavilələrini dəstəkləməyə hazır olduğumuzu vurğulayır", deyə "RML Group"un güc aqreqatı bölməsinin rəhbəri Ceyms Arkell mətbuata açıqlamasında bildirib.
Qeyd edilir ki, RML akkumulyatoru qısa müddət ərzində nəhəng enerji ötürməyə qadirdir. İdarə Heyətinin üzvü Maykl Mallochun sözlərinə görə, "VarEVolt" hər kiloqram kütləyə 6 kilovat enerji verə bilir və bütün gücü inanılmaz sürətlə buraxmağa qadirdir. Batareyanın 200C dərəcəsi var, yəni təxminən 18 saniyə ərzində tam doldurula və ya boşaldıla bilər.
Müqayisə üçün: tam elektrik "Porsche Taycan"ın akkumulyatorunun reytinqi 5C-dir və buna görə də tam doldurulması və ya boşaldılması 12-15 dəqiqə çəkir.
Tərtibatçılar bildiriblər ki, "VarEVolt"un modul dizaynı akkumulyatoru müxtəlif tapşırıqlar üçün konfiqurasiya etməyə imkan verir.
"Biz diqqəti məsafəyə yönəldə, gücə diqqət yetirə və ya hər iki parametri tarazlaya bilərik - avtomobilin növündən asılı olaraq", deyə baş direktor Paul Dickinson bildirib.
Bəzi kiçik avtomobil istehsalçıları artıq "VarEVolt" batareyasından istifadə edirlər. O, akkumulyatorla işləyən elektrik mühərriki ilə daxili yanma mühərrikini birləşdirən futuristik Czinger 21C hiperkarını gücləndirir.
Hazırda RML eyni anda bu batareyalardan yalnız bir neçəsini istehsal edir, lakin gələcəkdə genişmiqyaslı istehsal 21C kimi eksklüziv modellərdən kənara çıxa bilər.
Mallokun sözlərinə görə, şirkət həmçinin "LaFerrari" və ya "McLaren P1" kimi köhnə hiperkarlar üçün akkumulyatorların yeni versiyalara təkmilləşdirilməsi dəsti hazırlayır.
"Belə avtomobillər üçün biz batareyanın dəyişdirilməsini həyata keçirə bilərik ki, bu da diapazonu əhəmiyyətli dərəcədə artıracaq. Əgər avtomobilin digər avadanlığı imkan verirsə, onda səkkiz dəfə gücə malik versiya mümkündür", deyə idarə heyətinin üzvü qeyd edib.
Poliqon.info
