Susuzluğu aradan qaldırmaq, zövq almaq və ya sadəcə vərdiş olduğu üçün içdiyimiz içkilər bəzən sağlamlıq üçün zərərli ola bilər.
Pravda.az bildirir ki, şirin içkilər fərqinə varmadan çəki artımına səbəb olur və su istehlakını azaldır.
Su orqanizm üçün həyati əhəmiyyət daşıyır. Bir insan altı həftə ərzində qidasız yaşaya bilər, lakin bir həftədən artıq susuz qala bilməz. Bədənin gündəlik orta su itkisi 2,5 litrdir və bu itkinin qarşılanmaması halsızlığa, hətta həyati təhlükəyə səbəb ola bilər.
Suyu necə artırmalı?
Kofe əvəzinə su fasilələri verin, masanızda su dolu bir fincan saxlayın. Yeməklərinizə suyu, südü və ya meyvə suyunu daxil edin. Xüsusilə isti havalarda və fiziki fəaliyyət zamanı müntəzəm su qəbul edin. Səfərlərdə və çöldə su şüşəsi daşımaq faydalıdır.
Meyvə suyu və meyvəli içkilər arasında fərq nədir?
Meyvə suları təbii fruktoz, meyvəli içkilər isə əlavə şəkər (fruktoz-qarğıdalı şərbəti) ehtiva edir. Hər ikisi A və C vitamini təmin etsə də, meyvə suları daha az lif tərkiblidir. Meyvə suyunun forması dəyişdirildikdə faydaları azala bilər.
Süd və kakao tərkibli içkilər
Süd təxminən 89% sudan ibarətdir və zülal, A və D vitaminləri kimi vacib maddələri ehtiva edir. Çiyələkli və ya şokoladlı südlər də faydalı ola bilər. Çoxları şokaladlı südün şəkər və kafein səbəbilə hiperaktivlik yaratdığını düşünsə də, elmi sübut yoxdur.
Kafeinli içkilər haqqında
Kofe, çay və enerji içkiləri bəzi insanlarda yuxusuzluq, narahatlıq yarada bilər. Gündə 200-300 mq kafein (təxminən 2 fincan kofe) sağlam yetkinlər üçün təhlükəsiz sayılır. Hamilə və ya süd verən qadınlara, yüksək təzyiq və ya mədə problemi olanlara kafein məhdudiyyəti tövsiyə edilir. Kofeni süd ilə qarışdıraraq qəbul etmək mənfi təsirləri azalda bilər.
Qeyd: Ən faydalı içki sudur – kalorisi yoxdur, orqanizmi təmizləyir və həyati funksiyaları dəstəkləyir.
Əminə Bayramova
