Azərbaycanlı şagirdlər beynəlxalq olimpiadada yüksək nəticə göstərib.
“Qafqazinfo” xəbər verir ki, şagirdlərimiz Birləşmiş Ərəb Əmirliklərinin Dubay şəhərində keçirilən və dünyanın 40-dan artıq ölkəsinin iştirak etdiyi, “Future Intelligence Students Olympiad” (FISO) olimpiadasında mümkün 300 medalın 120-ni qazanıblar.
Uğurlu nəticə göstərənlərdən biri də Bakı-İstanbul litseyinin 4-cü sinif şagirdi Cahangir Qasımlıdır. O, İngilis dilindən gümüş, riyaziyyat fəndindən qızıl, məntiqdən isə “Brilyant mükafat”a (Diamond Award) layiq görülüb.
