ain.az, Oxu.az saytına istinadən bildirir.
Alimlər yay istisində paltarların açıq havada qurudulmasının sağlamlıq üçün təhlükəli ola biləcəyi barədə xəbərdarlıq ediblər.
Oxu.Az xəbər verir ki, bu barədə "Daily Mail" məlumat yayıb.
Bildirilir ki, bu vərdiş xüsusilə 32° C-dən yuxarı temperaturda və havadakı tozcuq (polen) miqdarı yüksək olan günlərdə insanların səhhəti üçün risklidir.
Ekspert Naycel Birmanın sözlərinə görə, nəm paltar poleni özünə hopdurar və onu yataq dəstlərinə, geyimlərimizə və dərimizə daşıya bilər. Bu isə allergiyası olanlar, xüsusilə də çiçək tozuna qarşı həssas insanlar üçün qaşınma, burun tutulması və göz sulanması kimi simptomlara səbəb ola bilər.
Alimlər belə günlərdə paltarların evdə, yaxşı havalandırılan şəraitdə qurudulmasını tövsiyə edirlər.
Bununla belə, qeyd edilib ki, çöldə qurudulan paltarlar daha xoş qoxulu olur. Bu, günəş işığı nəticəsində parçaların üzərində yaranan təbii maddələrlə - məsələn, bitki mənşəli aldehidlər və ketonlarla bağlıdır. Bu birləşmələr paltarlara sitrus, qızılgül və ya ədviyyat ətirləri verə bilər.
Daha ətraflı məlumat və yeniliklər üçün ain.az saytını izləyin.
