ain.az, Medicina saytından verilən məlumata əsaslanaraq xəbər yayır.
Evdə hazırlanmış və ya hazır mürəbbələr zamanla şəkərləyə və ya xarab ola bilər. Mürəbbənin təravətini qorumaq və dadını itirməmək üçün düzgün saxlama üsullarını bilmək çox vacibdir.
Bəs mürəbbə necə saxlanılmalıdır, şəkərləmənin qarşısını necə almaq olar?
Təmiz bankalardan istifadə edin
Bankalar steril olmalıdır ki, mürəbbə xarab olmasın. Qaynar su ilə yaxşıca yuyulmuş və qurudulmuş bankalara üstünlük verilməlidir.
İsti doldurma üsulu
Təzə bişmiş isti mürəbbə hələ isti ikən bankaya doldurulmalı və qapağı möhkəm bağlanmalıdır. Bu şəkildə vakuum effekti ilə hava təması qarşısı alınır.
Sərin və qaranlıq mühitdə saxlayın
Mürəbbə qablarını günəş işığından uzaq sərin və quru yerdə saxlamaq şəkərlənmənin və xarab olmanın qarşısını alır.
Açdıqdan sonra soyuducuya qoyun
Mürəbbə qabı açıldıqdan sonra soyuducuda saxlanmalı və 1 ay ərzində yeyilməlidir. Soyuq mühit bakteriyaların əmələ gəlməsini ləngidir.
Şəkərləmənin qarşısını necə almaq olar?
Limon duzu və ya limon suyu əlavə edin
Mürəbbə bişirərkən az miqdarda limon suyu və ya limon duzu əlavə etmək şəkər əmələ gəlməsinin qarşısını alan təbii üsuldur.
Şəkər miqdarına diqqət yetirin
Mürəbbədə şəkərin miqdarı yüksək olarsa, kristallaşma daha asan olar. Yüksək meyvə tərkibi və balanslaşdırılmış şəkər tərkibli reseptlərə üstünlük verilməlidir.
Mürəbbəni çox qaynatmayın
Uzun müddət qaynadılan mürəbbə çox su itirir və sıxlaşır. Bu, şəkərin əmələ gəlməsi üçün zəmin hazırlayır.
Taxta qaşıqlardan istifadə etməyin
Mürəbbə hazırlayarkən metal qaşıqlara üstünlük verin. Taxta qaşıqlar bakteriyaları saxlaya bilər və xarab olmağı sürətləndirə bilər.
Aygün
Medicina.az
Hadisənin gedişatını izləmək üçün ain.az saytında ən son yeniliklərə baxın.
