Maykl Cekson buna görə kompleks yaşayırmış

Mərhum müğənni Maykl Ceksonun keçmiş vəkili onun zahiri görünüşü haqda bəzi məqamları açıqlayıb.

"Ölkə.az" xəbər verir ki, Con Meyson onun probleminin hələ erkən yaşlarında yarandığını deyib. O bildirib ki, atası onu daim tənqid edirmiş, buna görə də Cekson görünüşünə hər zaman özəl yanaşıb. 

2009-cu ildə, ölümündən əvvəl pop musiqisinin kralı bildirib ki, yalnız iki dəfə burun əməliyyatı keçirib. Baxmayaraq ki, ictimaiyyət daha çox dəyişiklik müşahidə edib.

Mənbənin bildirdiyinə görə, 1964-cü ildə altı yaşlı Mayklın atası onun oxuma və rəqs etmə qabiliyyətini qiymətləndirməyib, halbuki uşaq bunu gözləyirmiş.

“O mənə dedi ki, burnum böyükdür” deyə, "Radar Online" Ceksonun sözlərini sitat gətirir.

Meyson Ceksonla hələ erkən vaxtlardan çalışdığını deyib. O bildirib ki, atası Co məşqlərdə əlində kəmərlə oturarmış.

“Onun insanlarla ünsiyyət tərzi qorxutma üzərində qurulmuşdu. O, kiminsə əlini sıxanda sanki onu əzməyə çalışırdı” deyə, Meyson bildirib.

Rəsmi versiyaya görə, Maykl ilk burun əməliyyatını 1979-cu ildə məşq zamanı yıxıldıqdan sonra keçirib. Travma cərrahi müdaxiləyə səbəb olub. Lakin əməliyyat uğursuz alınıb və Ceksonun nəfəs almaqda çətinlikləri yaranıb, bu da təkrar əməliyyata ehtiyac yaradıb.  (Axşam.az)