Şahzadə Harri atası III Çarlz və qardaşı Şahzadə Uilyam ilə barışıq yolunda addım atmağa qərar verib.
Yeniavaz.com xəbər verir ki, bu barədə “Daily Mail” insayderə istinadən məlumat yayıb.
Bildirilib ki, şahzadə Harri ailəsini 2027-ci ildə İngiltərədə keçiriləcək “Invictus Oyunları”na dəvət etmək istəyir.
Mənbənin bildirdiyinə görə, Sasseks hersoqu iyunun sonunda qohumlarına elektron məktub göndərəcək, ardınca isə rəsmi dəvət göndəriləcək:
“Invictus Oyunları”nın təşkilatçıları ümid edirlər ki, kral ailəsi iştirak edən yaralı veteranları dəstəkləməyə gələcək. Harri atasının fikir ayrılıqlarını arxada qoymasını və tədbirdə iştirak etməsini istəyir. Kral ailəsinin üzvləri hər zaman “Invictus Oyunları”na böyük dəstək olublar və Harrinin bu sahədə əldə etdikləri ilə fəxr edirlər. Bu, onun daxildən xoş qarşılandığı bir zeytun budağıdır”.