Bakupost portalından əldə olunan məlumata əsasən, ain.az xəbər verir.
Bu gündən Azərbaycanda Məhərrəm ayı başlayır.
Bakupost.az xəbər verir ki, Hicri-qəməri təqvimlə 1446-cı il başa çatır, yeni 1447-ci il başlayır.
Məhərrəm ayı Hicri-qəməri tarixin birinci ayıdır. Məhərrəm ayının 1-i miladi təqvimlə iyunun 26-na təsadüf edir.
Məhərrəm ayının 10-u Aşura günü isə iyulun 5-nə düşəcək. "Aşura" sözünün ərəbcədən tərcümədə mənası "onuncu" deməkdir. İyulun 25-i Məhərrəm ayının son günüdür.
Növbəti gün, iyulun 26-ı isə Səfər ayı başlayacaq. Avqustun 23-də Səfər ayı başa çatacaq.
Qeyd edək ki, Qafqaz Müsəlmanları İdarəsinin (QMİ) Qazılar Şurasının verdiyi fətvaya əsasən, Məhərrəm və Səfər aylarında 60 gün ərzində keçirilən təziyə mərasimləri, xüsusilə Tasua və Aşura əzadarlığı zamanı müxtəlif alətlərlə bədənə xəsarət yetirmək, qan çıxarmaq, qurşağadək soyunaraq sinə vurmaq və sair dinimizə görə qəbuledilməzdir.
“Dini etiqad azadlığı haqqında” qanunun müddəalarına riayət edərək dini mərasimlər məscid, ziyarətgah və onlara aid ərazilərdə keçirilməlidir.
Ən son xəbərləri və yenilikləri almaq üçün ain.az saytını izləyin.
