İsrail baş naziri Benyamin Netanyahu məhkəmədə ifadə vermək üçün iki həftəlik fasilə istəyib, vəkili Amit Hadad deyib ki, baş nazir vaxtını “diplomatik, milli və mühüm əhəmiyyət kəsb edən məsələlərə” həsr etməlidir.
Moderator.az bu haqda Kiyevdə nəşr olunan yəhudi saytlarına istinadla xəbər verir.
Bu məsələlərə "Qəzzada müharibənin idarə edilməsi və girov məsələsinin həlli" daxildir, - deyə Hadad Netanyahunun fırıldaqçılıq və etibardan sui-istifadə, habelə mediada işıqlandırılma şəraitində rüşvət almaq ittihamları ilə mühakimə olunduğu Qüds Dairə Məhkəməsinə yazıb.
Hadad bildirib ki, tələb təmin olunarsa, müdafiə qrupu digər müdafiə şahidlərinin həftədə iki dəfə ifadə verməsi üçün “çalışacaq”.
Məhkəmə sabah saat 10:00-a qədər ittiham tərəfinin sorğuya cavab verməsini və bundan sonra qərar qəbul etməsini tapşırıb.
Xatırladaq ki, daha əvvəl ABŞ prezidenti Donald Tramp Netanyahunun məhkəməsinin ləğvini tələb etmişdi.
