"Bakı şəhəri Yasamal rayonu, C.Canbarlı adına "Azərbaycanfilm" kinostudiyasının ərazisində yanğın olması barədə FHN-in 112 qaynar xəttinə məlumat daxil olub.
Bunu "Unikal"a açıqlamasında FHN-in Dövlət Yanğından Mühafizə Xidmətinin rəis müavini polkovnik Taleh Babayev deyib.
Onun sözlərinə görə, hadisə nəticəsində xəsarət alan olmayıb: "Ərazidə baş verən yanğın hadisəsi qısa müddətdə məhdudlaşdırılaraq söndürülüb. Hazırda heç bir yanğın hadisəsi yoxdur".
Yanğının konkret hansı səbəbdən baş verdiyi dəqiqləşdirilir.
Ağarza Elçinoğlu
