İsrailin raket zərbəsi nəticəsində öldüyü deyilən İran Ali Milli Təhlükəsizlik Şurasının keçmiş katibi, Seyid Əli Xameneinin müşaviri Əli Şamxani üzə çıxıb.
"Unikal" xəbər verir ki, bu barədə İran mətbuatı yazıb. O, bu gün 12 günlük müharibədə həlak olanların dəfn mərasimində iştirak edib. Şamxani İsrailin hücumları zamanı ağır yaralanıb.
"Onlar ağıla sui-qəsd etmək və hakimiyyəti devirmək üçün gəldilər, lakin güllələrlə başlayan sübh atəşkəs yalvarışı ilə bitdi. Sabah sadəcə dəfn mərasimi deyil, gələcəyə and içməkdir, hər damla qandan min komandan çıxır", - deyə o özünün X hesabında yazıb.
Ağarza Elçinoğlu
