Kreml Azərbaycanla “yaxşı münasibətlərə” ümid edir. Moskva bu barədə Yekaterinburqda azərbaycanlıların saxlanmasından sonra açıqlama verib.
Kremlin mətbuat katibi Dmitri Peskov deyib ki,Azərbaycanla əməkdaşlıq davam etdiriləcək. Bu barədə “İnterfaks” məlumat yayıb.
Peskov Azərbaycanda Rusiyanın iştirakı ilə keçirilən mədəniyyət tədbirlərinin ləğvi, parlament nümayəndə heyətinin Rusiyaya səfərinin ləğvi və rusiyalı diplomatın Azərbaycan Xarici İşlər Nazirliyinə çağırılmasına münasibət bildirib. Təhlükəsizlik qüvvələrinin Yekaterinburqda bir neçə azərbaycanlının öldürüldüyü, onlarla insanın saxlandığı basqına Bakı belə cavab verdi.
“Biz bu cür qərarlardan ürəkdən təəssüflənirik, Azərbaycan tərəfinin fikrincə, bu cür demarşlara səbəb olmuş hadisələrin səbəblərini və mahiyyətini izah etmək işini, yəqin ki, davam etdirmək vacibdir”, - o deyib.
Peskov əlavə edib ki, guya “hüquq-mühafizə orqanlarının işi” Bakının bu cür hərəkətlərinə səbəb olmamalıdır.
"Biz Azərbaycanla yaxşı münasibətlərimizi daha da inkişaf etdirməkdə maraqlıyıq", - Kremlin mətbuat katibi bildirib.
Əziz Mustafa, Oxuməni.az
