Kreml Rusiya prezidenti Vladimir Putinin günorta saatlarında beynəlxalq telefon danışığını istisna etmir.
NOCOMMENT.az TASS-a istinadən xəbər verir ki, bunu Rusiya prezidentinin mətbuat katibi Dmitri Peskov deyib.
“Biz günorta saatlarında beynəlxalq telefon danışığını istisna etmirik”, – Kreml sözçüsü bildirib.
Peskov söhbətin faktını dərhal bildirəcəyini vəd edib.
Bundan əvvəl ABŞ prezidenti Donald Tramp Rusiya lideri Vladimir Putinlə danışacağını və onunla Ukraynadakı münaqişəyə son qoyulmasını müzakirə edəcəyini bildirmişdi. Ağ Evin rəhbəri bu söhbətin dəqiq nə vaxt keçirilə biləcəyini açıqlamayıb.
