2025-ci ilin sonuna qədər Belarus ərazisində Rusiya istehsalı olan “Oreşnik” raket kompleksi yerləşdiriləcək.
NOCOMMENT.az xəbər verir ki, bu barədə Belarus Respublikasının Prezidenti Aleksandr Lukaşenko məlumat verib.
“Biz (Rusiya Prezidenti Vladimir) Putinlə Volqoqradda razılaşdıq. ‘Oreşnik’in ilk mövqeləri Belarusda olacaq. Onun necə işlədiyini artıq görmüsünüz. Bu silah ilin sonuna kimi Belarusda yerləşdiriləcək,” – deyə siyasətçi Belarusun Müstəqillik Günü münasibətilə keçirilən təntənəli tədbirdə çıxışı zamanı bildirib.
