Gəncə Ağır Cinayətlər Məhkəməsində yol qəzası törətməkdə təqsirləndirilən Qulam Qulamovun (adı, soyadı şərtidir) cinayət işi üzrə məhkəmə istintaqı başa çatıb.
Pravda.az-ın əldə etdiyi məlumata görə, hakim İlkin İbişovun sədrliyi ilə keçirilən prosesdə hökm oxunub.
Məhkəmənin hökmü o, 5 il 6 ay müddətinə azadlıqdan məhrum edilib və məhkəmə iclas zalında həbs olunub.
İttihama görə, hadisə 23 noyabr 2024-cü il tarixdə, təxminən saat 18:45 radələrində Bakı-Qazax-Gürcüstan sərhədi yolunun Qazax rayonu, Ağköynək kəndi ərazisindən keçən 472-ci kilometrliyində qeydə alınıb.
Belə ki, Qulam Qulamov sürücülük vəsiqəsi olmadan idarə etdiyi “VAZ-2107” markalı avtomobillə Qırmızı-Körpü istiqamətində hərəkətdə olarkən piyada Fikrət Mustafayevi vuraraq öldürüb.
Kamal Məmmədov
Hadisədən sonra Qulam Qulamov saxlanılıb və barəsində başqa yerə getməmək haqqında qətimkan tədbiri seçilmişdi.
