ABŞ Prezidenti Donald Tramp İsrailin Qəzza zolağında 60 günlük atəşkəs şərtləri ilə razılaşdığını bildirib.
Redaktor.az xəbər verir ki, o, bu haqda öz “Truth” hesabında məlumat verib.
"Mənim nümayəndələrim Qəzza ilə bağlı israillilərlə uzun və məhsuldar görüş keçiriblər. İsrail 60 günlük atəşkəs üçün məcburi şərtlərlə razılaşıb. Bu müddət ərzində biz münaqişəni dayandırmaq üçün bütün tərəflərlə işləyəcəyik", - Tramp bildirib.
ABŞ lideri əlavə edib ki, Misir və Qətər münaqişənin həlli üçün yekun təklif verəcəklər.
