Ajans.az xəbər verir ki, son illərdə süni intellekt texnologiyalarında əhəmiyyətli irəliləyişlər var. Bu, bir çox peşələr, xüsusən də proqram dünyası üçün işləri asanlaşdırdı. Təbii ki, bunun həm faydası, həm də zərəri olub. Məsələn, proqram dünyası üçün işləri asanlaşdırdığı qədər işsizliyə də qapı açdı. Son məlumatlara görə, süni intellekt artıq insan resurslarına daha çox rahatlıq yaradacaq. Buna uyğun olaraq daha dəqiq namizədlərə vaxt ayırmaq üçün süni intellektin ön seçim proseslərinə girməyə başladığı üzə çıxıb. Paylaşılan məlumata görə, xaricə iş üçün müraciət edən bir çox namizəd ilk müsahibələrini real insan əvəzinə süni intellektlə keçirdiklərini paylaşıb. Bu sayədə namizədlər vaxtdan asılı olmayaraq istənilən vaxt ilkin müsahibədən keçə bilər, insan resursları bölmələri isə xeyli vaxta qənaət etmiş olur. Birbaşa telefon və ya video zəng vasitəsilə aparılan süni intellekt üzrə müsahibələr vəzifənin tələblərindən və namizədin təcrübə səviyyəsindən asılı olaraq bir neçə dəqiqədən 20 dəqiqəyə qədər davam edə bilər. Bu mərhələni uğurla başa vuran namizədlərlə irəliləyən insan resursları qrupları daha dəqiq profillərə diqqət yetirərək vaxtlarından çox daha səmərəli istifadə edə bilərlər. İş üçün müraciət edən namizədlər daha tez nəticə əldə edirlər.
