ain.az bildirir, Redaktor.az saytına əsaslanaraq.
"Azərbaycan Rusiyadan fərqli olaraq heç vaxt Rusiya kimi qeyri-millətlərə qarşı haqsız mövqedə olmayacaq. Onlar bizim vətəndaşlarımızdır, bizimlə sülh içərisində yaşayırlar".
Bu fikirləri Redaktor.az-a deputat Elman Məmmədov son günlər Rusiyada azərbaycanlılara qarşı təzyiqlərdən danışarkən bildirdi.
"Bəlkə də Rusiya istəyir ki, Azərbaycan da onlar kimi hərəkət etsin. Azərbaycanda yaşayan qeyri-millətlərə qarşı xoşagəlməz addımlar atılsın. Rusiya və qeyriləri bundan istifadə etsinlər. Ancaq Azərbaycan bunu etməyəcək. Rusiya bu gün də özünün SSRİ-dən əvvəlki çar Rusiyası dövründəki imperialist siyasətindən ayrıla bilmir. Necə ki, çar Rusiyası dövründə və ondan sonra SSRİ dövründə bu qeyri-millətlərə ikinci sort millətlər kimi yuxarıdan aşağı baxırdılar, bu gün də cənab Putin o siyasəti öz ətrafında olan komandası ilə davam etdirir. Bu münasibətdən, bu siyasətdən əl çəksələr, daha yaxşı olar", - deyə Elman Məmmədov əlavə etdi.
Aytəkin TOFİQQIZI
Hadisənin gedişatını izləmək üçün ain.az saytında ən son yeniliklərə baxın.
