Ordumuz qərbdədir, Bakını “yerinə oturda” bilməyəcəyik!

Uzun müddətdir ki, Azərbaycanın Rusiya ilə intensiv şəkildə yeni qarşıdurma nöqtələri axtardığı bəllidir. Azərbaycanın arxasında duran, Azərbaycanı “həyət iti” kimi istifadə edən, özləri ilə heç bir əlaqəsi olmadığını iddia edən Türkiyədir, bu da tamamilə aydındır. Rusiyada Cənubi Qafqaz cəbhəsinin yarana biləcəyi ehtimalını hələ həbslərdən əvvəl proqnozlaşdırmışdım. Türkiyənin vassalı Azərbaycanın da mütləq qoşulacağı müharibə ehtimalını da dəfələrlə tarixi perspektivdən çox yüksək və demək olar ki, qaçılmaz kimi qeyd etmişəm. İndi İran Amerika-İsrail zərbələri ilə zəiflədiyinə və bu zərbələrdən sonra Azərbaycana təzyiq göstərə bilməyəcəyinə görə, Bakı faktiki olaraq təxribatçı rolunda çıxış edir, başa düşür ki, bütün hərbi qüvvələrimiz Qərb cəbhəsindədir və Rusiyaya Azərbaycanı öz yerində oturtmaq çox çətin olacaq. Həyasızlıq, münasibətləri korlamaq və mahiyyət etibarı ilə Rusiyanın opponentlərinin “təkərlərinə su tökmək” onların yaxın gələcəkdə də edəcəkləri işdir və bu proses artacaq. Zelenskinin Əliyevə nəyə görə təşəkkür etdiyini bilmirəm. Tamamilə mümkündür ki, məhz Azərbaycanın istehsal etdiyi dronların tədarükü üçün olub. Ola bilsin ki, silah-sursat tədarükü üçün: məlum olduğu kimi, Azərbaycan Sovetdən qalan silah və sursatı Ukraynaya satırdı. İstənilən halda Azərbaycan bizim ehtimal olunan hərbi rəqibimizdir, Əliyev isə həmişə bizim düşmənimiz olub və qalır, çünki o, Türkiyənin müttəfiqidir və biz hələ də Türkiyə ilə gizli düşmənçilik edirik. Daha bir “Qafqaz düyünü” bağlanır və bu, Rusiyanın ən mühüm problemini həll etmədən, yəni Ukrayna müharibəsində qalib gəlmədən kəsilməyən düyünlərdən biridir. Qələbə əldə olunarsa, bir çox problemlər öz-özünə aradan qalxacaq və indi hürənlər öz yuvalarına sürünəcək, oradan sakit və minnətdarlıqla mızıldanacaq, qalibə yaltaqlanacaqlar. Qalib gələ bilməsək, hamısı bizi parçalamağa tələsəcək. Azərbaycan birinci olacaq. Azərbaycanın ardınca digər rəsmi müttəfiqlərimiz və qonşularımız da gələcək. Artıq Qazaxıstan ərazisində düşmənin PUA-ları fəaliyyət göstərir və aydındır ki, onlar Ukraynadan oraya uçmayıb. Onlar açıq-aşkar Qazaxıstan ərazisindən atılıb, Xarici İşlər Nazirliyimiz və təbliğatımız münasibətləri daha da gərginləşdirməmək üçün sadəcə olaraq susmağa çalışır. Rusiya ictimaiyyətini qorxutmamaq üçün. Zəiflər döyülür. Əsl güc nümayiş etdirməsək, hamı bizi döyəcək, camaat bizi tapdalayacaq”.