Missiya.az portalından alınan məlumata görə, ain.az xəbər verir.
Ermənistanın Baş naziri Nikol Paşinyan ABŞ Prezidenti Donald Trampa ABŞ-nin milli bayramı, Müstəqillik Gününün ildönümü münasibətilə təbrik məktubu göndərib.
Missiya.Az erməni KİV-ə istinadən xəbər verir ki, mesajda deyilir:
“Ermənistan və ABŞ-ni xalqlarımızın tarixi dostluğu, demokratik prinsiplərə və xristian dəyərlərinə sədaqəti, eləcə də azadlıq, ləyaqət və ədalətə sarsılmaz sadiqliyi birləşdirir. Ermənistan ABŞ ilə strateji tərəfdaşlığın dərinləşməsinə və qarşılıqlı maraq doğuran bütün sahələrdə, o cümlədən ticarət, yüksək texnologiyalar, enerji, mədənçıxarma, nəqliyyat, infrastruktur sahələrində əməkdaşlığın daha da genişləndirilməsinə böyük əhəmiyyət verir.
Əminəm ki, biz birgə səylərlə Ermənistan və ABŞ xalqlarının rifahı naminə münasibətlərimizi daha da yüksək səviyyəyə qaldıracağıq. Münaqişələrə son qoymaq və dünyada sülhün bərqərar olması ilə bağlı baxışınızı yüksək qiymətləndirirəm. Əminəm ki, Birləşmiş Ştatlar Sizin rəhbərliyiniz altında Cənubi Qafqazda çoxdan gözlənilən sülh və sabitliyin bərqərar olmasına, rifahın təmin olunmasına fundamental töhfə verəcək. Mən Ermənistan Respublikası hökumətinin suverenlik, ərazi bütövlüyü, beynəlxalq səviyyədə tanınmış sərhədlərin toxunulmazlığı, eləcə də “Sülhün kəsişməsi” layihəsinin prinsiplərinə uyğun olaraq regional infrastrukturun qarşısının alınması prinsiplərinə əsaslanan sülh gündəliyinə sarsılmaz sadiqliyini bir daha təsdiq edirəm”.
Nurlana ƏhmədovaMissiya.Az
Ən son xəbərləri və yenilikləri almaq üçün ain.az saytını izləyin.
