Orenburqda kriminal aləmdə "Talıbov" və ya "Zaur Naxçıvanski" kimi tanınan 39 yaşlı azərbaycanlı “qanun oğru” Zaur Şipilov saxlanılıb.
News24.az bildirir ki, bu barədə Rusiya mətbuatı məlumat yayıb.
Rusiyada yaşayan titullu azərbaycanlıların tutulması əməliyyatı Moskva və Orenburq vilayətlərində yerli əməliyyatçıların köməkliyi ilə Cinayət Axtarış Baş İdarəsi və Fededal Təhlükəsizlik Xidməti tərəfindən həyata keçirilib.
Əvvəlcə kriminal aləmdə “Diplomat” və ya “Vaqif Bakinski” kimi tanınan Vaqif Süleymanov Novaya Riqanın Qrinfild kottec kəndində saxlanılıb. Sonra Şipilov Orenburqda saxlanılıb. Təhlükəsizlik qüvvələrinin onun oğru statusu ilə bağlı sualına Şipilov yalnız kamerasız cavab verməyə razılaşıb, Süleymanov isə susub.
Hər iki “qanun oğru”nun Azərbaycanda doğulmadığı qeyd edilir. Artıq Şipilov barəsində cinayət işi açılıb. Süleymanovla bağlı qərar yaxın vaxtlarda bəlli olacaq. Hələlik o, üç aylığına xüsusi müəssisəyə yerləşdirilib.
Zaur Şipilov kimdir: tərcümeyi-halı
Zaur Şipilov 1985-ci ildə Orenburqda anadan olub. O, 2006-cı ildə Moskvanın Leninqradski prospektində “qanuni oğru” Hikmət Muxtarovla birlikdə güllələnərək öldürülən azərbaycanlı kriminal avtoritet Bayram Talıbovun oğludur.
Zaur Şipilov uzun müddət Türkiyədə yaşayıb və 27 yaşında orada "qanuni oğru" tacını alıb.
2015-ci ilin oktyabrında o, restoranda külli miqdarda heroinlə Daxili İşlər Nazirliyinin Cinayət Axtarış Baş İdarəsinin əməkdaşları tərəfindən saxlanılıb. Minusinsk həbsxanasında üç il cəza çəkdikdən sonra “qanuni oğru” 2018-ci ildə azadlığa buraxılıb.
Qeyd edək ki, Şipilov Rusiya Daxili İşlər Nazirliyinin aktiv “qanuni oğrular” siyahısındadır. O, Rusiya vətəndaşıdır və ekstradisiyaya məruz qalmır.
Zaur Şipilov haqqında ictimaiyyətdə çox məlumat yoxdur. Məsələ burasındadır ki, o, “Roskomnadzor”la əlaqə saxlayıb, özü haqqında məlumatları internetdən silmək istəyib.
Kriminal avtoritet oğru titulu ilə bağlı məlumatların silinməsini tələb edib. Müraciətində o, digər “qanuni oğrularla” fotoşəkillərin dərc olunduğu konkret səhifələri göstərib. O, həmçinin 2015-ci ildə Moskvada həbsi zamanı çəkilmiş videoyazıların götürülməsini tələb edib./lent
