Bakı, 4 iyul, AZƏRTAC
İşğaldan azad edilmiş ərazilərdə bu il 14 ümumi təhsil müəssisəsi fəaliyyətə başlayıb.
AZƏRTAC xəbər verir ki, bu barədə məlumat Elm və Təhsil Nazirliyinin 2024–2025-ci tədris ilinə dair hesabatında yer alıb.
Məlumatda qeyd olunub ki, həmin məktəblərdə 284 müəllim fəaliyyət göstərir və 2400-dən çox şagird təhsil alır.
İşğaldan azad edilmiş ərazilərdə bu il, həmçinin 6 məktəbəqədər təhsil müəssisəsi fəaliyyətə başlayıb. Bu müəssisələrdə 209 uşağın təlim-tərbiyəsi ilə 20 müəllim məşğul olur.
