İtaliyanın baş naziri Corcia Meloni ABŞ-ın Ukraynaya silah tədarükünü dayandırmadığını, lakin ayrı-ayrı komponentlərlə bağlı qərarları nəzərdən keçirdiyini bildirib.
AFN.az xarici mediaya istinadən xəbər verir ki, o, bunu italiyalı jurnalist Bruno Vestanın təşkil etdiyi forumda çıxışı zamanı deyib.
“Birləşmiş Ştatlar Ukraynaya silah tədarükünü və dəstəyi dayandırmadı, onlar konkret komponentlərin tədarükü ilə bağlı qərarı nəzərdən keçirdilər”, - Meloni bildirib. Onun sözlərinə görə, bu fakt əhəmiyyətlidir, lakin ABŞ-ın tam şəkildə geri çəkilməsi kimi təqdim olunmağa çalışıldığı kimi deyil.
Hökumət başçısı təsdiq olaraq bildirib ki, o, ABŞ prezidenti Donald Trampla həm Kiyev, həm də ticarət rüsumları haqqında danışıb.
